Høyring - nasjonal fagleg retningslinje for førebygging og oppfølging av skulefråvær

Saken, kort forklart

Sogndal kommune støttar hovudretninga i forslaget til nasjonal fagleg retningslinje for førebygging og oppfølging av skulefråvær. Retningslinja kan gi meir systematisk praksis, styrke tidleg innsats, elevmedverknad og tverrfagleg samarbeid, og gi praktisk støtte til skular. Samtidig ber kommunen om tydelegare skilje mellom rettslege krav og faglege tilrådingar, særleg bruk av «bør», og etterlyser klarare vurderingar av økonomiske og administrative konsekvensar. Kommunen viser til at summen av tilrådingane kan krevje auka ressursbruk og ønskjer realistisk handlingsrom for kommunane.