Høyring - nasjonal fagleg retningslinje for førebygging og oppfølging av skulefråvær

Saken, kort forklart

Formannskapet tilrår at Sogndal kommune støtter hovudretninga i forslaget til nasjonal fagleg retningslinje for førebygging og oppfølging av skulefråvær. Retningslinja gir konkret støtte til tidleg innsats, elevmedverknad, samarbeid med føresette og tverrfagleg arbeid, og kan redusere uønskt variasjon mellom kommunar. Kommunen ber om tydelegare skilje mellom lovkrav og faglege tilrådingar, særleg ved bruk av «bør», og ønskjer at Utdanningsdirektoratet vurderer økonomiske og administrative konsekvensar. Sogndal peiker på at summen av tilrådingane kan krevje auka ressursbruk for skular og andre tenester.